-- ADVERTISEMENT --
Gipahayag ni Department of Interior and Local Government (DILG) nga adunay nakapahimulos sa kwarta gikan sa mga iligal nga Philippine Offshore Gaming Operators (POGO).
Dugang gipahayag ni Interior Secretary Benhur Abalos, susama sa iligal nga sugal, iligal nga droga, dili halayo nga adunay kwarta usab gihatag sa mga politiko aron gamiton sa ilahang pagpangampanya.
Gumikan niini, gipasidan-an sa sekretaryo ang mga opisyal sa gobyerno nga nalambigit nga mag-atubang ug kaso sa higayong mapamatud-an nga midawat ug iligal nga kwarta aron gamiton sa kampanya.
Pagseguro usab sa opisyal nga hugot ang Philippine National Police aron bantayan ang nahisgutang mga iligal nga POGO sa nasud.
