Miapas pa ug duso sa iyahang kandidatura ang usa ka iladong komedyante ug TV-Host nga si Willie Revillame o mas naila sa tawag nga Kuya Will.
Miduso kini sa iyahang Certificate of Candidacy isip pagka-Senador kagahapong adlawa sa The Manila Hotel Tent City.
Usa matud pa sa mga nag-una nga iyahang mga plataporma mao ang pagpalapnag sa iyahang katakus nga tagaan ug katubagan ang padayong nasinatiang kapit-os sa katawhan sa nasud.
Dugang sab niini nga anaa na sumala pa sa 21 ka tuig na kining nagatabang ngadto sa mga kabus pinaagi sa iyahang mga TV-Show diin minilyon na ka mga tawo ang iyahang natabangan bisan pa man nga wala pa kini kaniadto sa politika.
Kahinumdumang una na kini niyang gibutyag kaniadtong misalmot kini sa Maisug Rally sa Davao City nga gi-awhag sumala pa kini ni kanhing Pangulong Duterte nga mudagan pagka Senador sa 2025 Midterm Election.
Wala sab kini nakalikay sa mga batikos sa kadaghanan, gumikan gikaon ra sumala pa kinig balik ang giistorya kaniadtong nakalabayng eleksyon, diin gikanayon niini nga dili matud pa siya musulod sa politika gumikan wala sumala pa siyay alamag sa balaod.
