Nagsunod-sunod na ang natala nga kusog nga mga aftershock human sa 6.8 magnitude nga linog nga mitay-og sa kadagatan nga bahin sa munisipalidad sa Lingig Surigao Del Sur kaganihang buntag.
Subay sa datos nga gipaguwa sa PHIVOLCS usa ka 6.1 aftershock ang napatik sa ahensya kaganihang 12:20 sa udto nga ang epicenter anaa sa 90 km sidlakang bahin sa Lingig kung diin tectonic ang hinungdan nga adunay kalawomon nga 10 kilometeros.
Samtang una na usab nasinati-an ang magnitude 6 nga aftershock kaganihang alas 09:38 sa buntag nga ang epicenter anaa sa kadagatan sa gilay-on nga 103 km, sidlakang bahin sa Baganga,Davao Oriental.
Gisundan kini sa magnitude 5.5 aftershock alas 09:38 ganihang buntag sa kadagatn sa Lingig, nga adunay gilawmon nga usa ka kilometros ug tectonic ang origin.
Usa ka 5.2 aftershock usab ang nasinatian nga pagtay-og alas 11:17 kaganihang udto sa kadagatan gihapon sa Lingig.
Samtang una na usab nga mitay-og ang 4.4 ug 4.7 nga aftershocks alas 6:45 ug alas 7:36 kaganihang buntag sa kadagatan gihapon sa Lingig, Surigao Del Sur.
Una ng natigayon ang pagtay-og alas 6:22 kaganihang buntag nga tectonic in origin, nga adunay gilawmon nga siyam ka kilometros apan subay sa ulahing datos sa ahensya nahimo na kining magnitude 6.8. nga ang sentro sa kadagatan nga bahin sa Lingig nga adunay gilay-on nga 66 kilometros.
Ang sampit nga pagtay-og ang nasinatian usab sa ubang bahin sa Mindanao ug Visayas region nga natala ang Intensity V – sa Hinatuan, Bislig City, Rosario, sa Agusan Del Sur, Maco ug Monkayo sa Davao De Oro. Samtang Intensity IV sa Nabunturan, Davao De Oro ug sa dakbayan sa davao.
Intensity III sa Don Marcelino, Davao Occidental, Inabanga sa BOHOL; Baybay City sa Leyte, Samtang Intensity II sa Mambajao, sa Camiguin, Sogod sa Southern Leyte, Cotabato City, ug Datu Odin Sinsuat, Maguindanao.
Instrumental Intensities natala sa Nabunturan davao De Oro nga naa sa Intensity IV, samtang Intensity III sa Abuyog, Leyte, Digos City sa Davao Del Sur, Malungon, sa Sarangagni, Tandag City sa Surigao Del Sur.
Intensity II sa Cebu City, Carigara, ug Dulag,Leyte, Kadingilan, Kalilangan, Malaybalay, City ug San Fernando, sa Bukidnon, Balingasag, sa Misamis Oriental,Caayan De Oro City, Magsaysay sa Davao Del Sur
Banisilan, Kidapawan City, ug Magpet, North ctbaato ug sikbit nga mga lugar.
Samang nasinati-an sab ang Intensity 1 sa probinsya sa Samar, ug Zamboangga Del Sur. Atol sa maong pagtay-og wala bahad sa Tsunami sa nasampit nga mga kabaybayunan sa mga apektadong lugar.
Samtang wala pa’y natalang danyos atol sa maong pagtay-og nga padayon pa karon nga ginasubay sa mga hingtungdang ahensya sa kagamhanan.
