DAVAO CITY – Nagbahad ang Philippine Coast Guard (PCG) nga pangdakpon niini ang mga sakyanang pandagat nga mamakyaw ug mga pasahero patabok sa Island Garden City of Samal (IGACOS).
Napanid-an ang nahisgutan nga mga biyahe gumikan kay daghanan ang wala nagalinya sa pantalan labi na karon nga dugok ang mga pasahero alang sa paglolinghayaw atol sa semana santa.
Sumala pa kang PCG Commander Mitchel Ursabia, public information officer sa Philippine Coast Guard Southeastern Mindanao kadaghanan sa mga bangka nga nagapamakyaw dili rehistrado hinongdan nga wala’y madawat nga insurance ang mga pashero kon ugaling madisgrasya.
Gitataw ni Ursabia nga mas gipalig-on nila karon ang pagpatrolya sa kadagtan ug gipun-an ang ihap sa ilang mga personahe aron nga mapahugtan seguridad sa mga pasahero.
“Kamanduan man gud sa among commander pangdakpon ni sila mao nga dili gyud namo sila palapason sa ilang pagpamasada nga wala’y pagtugot, kay ang safety man gud ug security sa katawhan ang atong gitan-aw. Dili na sila rehistrado isip passenger Bangka. Kung simbako lang dunay aksidente sa lawud wala madawat nga insurance ang mga pasahero.” Pagtin-aw ni PCG Commander Mitchel Ursabia, public information officer sa Philippine Coast Guard Southeastern Mindanao.
