DAVAO REGION- Nagpagula og opisyal nga pamahayag ang Kingdom of Jesus Christ kalabot sa natigayong pagpangatake sa mga property ni KOJC Leader Pastor Apollo Quiboloy niadtong lunes sa kadlawon.
Sumala pa sa maong pamahayag nga wala misulti sa tinuod ang kapulisan mahitungod sa maong pagpangatake ug wala kini mi-uyon sa pamahayag sa PNP nga ‘lawful’ nga pagsulod ug ‘maximum tolerance’ sa mga kapulisan.
Matud pa sa KOJC nga base sa CCTV footage, makita ang matud pa bayolenteng pagpangatake sa libuan ka mga aradong PNP, CIDG ug SAF ngadto sa compound sa Kingdom of Jesus Christ.
Sumala pa nga atol sa pagsilbi sa warrant of arrest alang kay Pastor Quiboloy ug lima pa niini ka kaubanan dili gayud tinuod ang giangkon sa PNP nga maong pugsanon silang misulod tungod kay gi bombahan kini sila gamit ang water cannon.
Matud sa maong pamahayag nga base sa CCTV footage gipasagdan lamang sa mga kapulisan ang presensya sa guwardiya nga mihangyo atud pa nga paaboton ang mga abogado sa kingdom tungod kay walay mapagawas nga search warrant ang maong mga kapulisan.
Sumala pa sa maong pamahayag nga pipila ka mga misyonaryo ang nakahiagom ug injury human sa bayolenteng pagsulod sa PNP, lakip na niana ang babaye nga nasipaan sa nawong niini sa usa ka military boot.
Aduna usab matud pa duha ka mga lalakeng misyonaryo ang nakahiagom og injury sa abaga ug kamot ug braso.
Base sa gipagulang impormasyon, lakip sa mga na-angol sa maong panghitabo mao ang grupo sa indigenous missionaries ug mga mag-uuma nga anaa sa 6 ka inibidual, lakip na niana ang 2 ka mga menor de edad, usa ka babae ug 3 ka mga lalakeng trabahante nga matud pa gihunong ang morning devotional prayer tungod sa pag-abot sa mga kapulisan.
Giklaro usab ni Atty. Laurente, KOJC Counsel nga sa pag-abot sa mga abogado sa KOJC sa gate sa maong compound sa duol sa airport ug naberipika ang warrant of arrest nga gisilbi sa PNP, ilaha kining gi supervised pasulod sa compound, kauban ang mga church workers aron mapamatud-an nga wala silay intention nga palangayon o babagan ang implementasyon sa warrant of arrest.
