DAVAO CITY- Gikwestyon sa The Kingdom of Jesus Christ ang kamanduan sa Court of Appeals’ labot sa pag freeze sa accounts ug assets niini ug gipamugos nga wala kini kalambigitan sa mga kaso nga gipasaka batok sa ilang leader nga si Pasptor Apollo Quiboloy.
Sa usaka press conference, gitubag sa legal counsel sa simbahan nga si Atty Israelito Torren ang mga reports nga gi-uyunan sa appellate court ang apela sa Anti Money LAaundering council nga i-freeze ang mga accounts ug mga kabtangan sa KOJC.
Sumala ni Torreon, kinahananglan nga magbaton una ug lig-ong sumbahan labot sa relasyon tali sa mga kasong gi-atubang ni Pastor Quiboloy ug sa mga kabtangan o pondo sa KOJC nga gipugngan sa AMLC.
Gipamugos ug gibarugan ni Torreon nga ang mga kabtangan ug ang mga accounts sa KOJC nga gilambigit sa AMLC ngadto sa “unlawful activities and predicate crimes,” ang wala ug dili gipanag-iyahan ni Quiboloy.
Dugang gibarugan ni Torreon nga ang mga kabtangan sa KOJC ang resulta sa dugo ug singot sa 6.57 million ka mga miembro sa kingdom.
Si Quiboloy ang nag-atubang ug mga kasong sex trafficking of children, cash smuggling sa United States, lakip na qualified human trafficking ug abuse of a minor.
