DAVAO CITY- Hugot nga gikondena sa Kingdom of Jesus Christ ang gihimong pagsulod sa Criminal Investigation and Detection Group (CIDG) ug Special Action Force (SAF) sa upat ka propyedad sa KOJC gumikan sa pagsilbi sa warrant of arrest batok kang Pastor Apollo Quiboloy ug ubang pang mga kaubanan niini.
Subay sa ilahang gipaguwa nga pamahayag, gikanayon niini nga adunay nakita sumala pa nga iregularidad sa pugsanon nga pagsulod sa mga propedad sa gipangita nga pastor.
Gawas sa ilahang hugot nga pagkondena, gihulagway usab niini ang nanghinubra ang pagpadala ug mga pwersa nga ang uban naka-full battle gear, anti-riot gear, nagdala ug shealds samtang anaa kini sa ilahang pagsilbi sa arrest warrant nga usa sumala pa ka overkill.
Una na sab nga gireklamo ni Atty. Israelito Torreon ang pagsulod sa sa mga kapulisan ug sa ilahang pagpugos ug sulod sa Glory Mountain pinaagi sa pagguba sa nakapader nga color roof ug miresulta sa pagkasikop sa mga anaa sa sulod sa maong propedad.
Sumala pa ni Torreon nga ang gihimong intrusion sa CIDG sa KOJC ug Prayer Mountain ug ubang compound ang usa ka insulto og usa ka matang sa coercion.
Kahinumduman nga gisulod sa Joint force sa SAF og Criminal Investigation and Detection Group (CIDG) ang KOJC compound sa Buhangin, Glory Mountain og Prayer Mountain sa Tamayong, Calinan District aron nga isilbi ang warrant of arrest batok sa KOJC founder Pastor Apollo Quiboloy og lima ka lain pa nga mga indibidwal kagahapong adlawa.
Samtang nagpagawas sab ug opisyal nga pamahayag si kanhi Pang. Duterte nga mokondena sab sa gihimo sa mga otoridad nga gihulagway sab niini nga over kill.
Sa karon wala pa’y gipaguwa nga pamahayag ang kapulisan kabahin sa maong isyu nga una na niining gibarugan nga igo lamang sila nga nagpatuman sa kamanduan sa korte.
