DAVAO CITY- Nagmando sumala pa si Police Regional Office XI Police Brigadier General Nicolas Torre III nga putlan og suplay sa kuryente ug tubig ang Kingdom of Jesus Christ Compound ning adlawa.
Kahinumdumang kapin usa na ka adlaw nga nagpondo ang libuan ka mga kapulisan gikan sa PRO 10, PRO 11, PRO 12 ug PRO 13 aron magsilbi og warrant of arrest batok kay Pastor Apollo Quiboloy ug 4 niini ka mga kaubanan.
Gani gitawag pa sa mga miyembro sa KOJC ang maong pagsulod sa mga kapulisan nga daw ‘iligal’ og dili makatarunganon.
Dugang pa usab niini nga adunay pipila ang mga nagkanayong matawag na usab kini nga ‘Martial Law sa KOJC’ ni Pangulong Ferdinand Bongbong Marcos Jr.
Gani kaganihang buntag, aduna usab nahitagong nga komosyon sa maong kompound sa dihang wala gitugutan sa mga kapulisan nga makaagi ang KOJC Executive Minister nga si Borther Marlon Acobo aron mahibal-an ang kasamtangang sitwasyon sa pipila ka bhain sa compound.
Dako ang pagtuo sa kadaghanan nga ang maong mando ang naggikan usab kay Torre kong diin matud pa bisan kinsang gikan sa sulod ang pwedeng mogawasa apan walay tugutan nga makasulod sa mao nga compound.
Gani nagkanayon pa ang Kanhing Chief Presidential Legal Counsel nga si Atty. Salvador Panelo nga kinahanglan nang magpatunga sa kasamtangan Presidente sa kasamtangang nagapadayong pagsilbi og warrant of arrest nga matud pa dili na makatarunganon.
Ning kasamtangan daghanan na usab nga mga miyembro sa KOJC ang anaa sa atubangang bahin sa maong compound diin makitang sila ang sabay-sabay nga nag-ampo atubangan sa mga kapulisan.
