DAVAO CITY – Gilauman sa Davao City Treasurer’s Office nga makabawi sa ilang makolektang buwis gikan sa amusement tax gumikan sa paghawan sa mga restriksyon panahon sa pandemya.
Gikanayon ni CTO Head Lawrence Bantiding nga maghatag ug dagkong kita ang pag-abli ug balik sa mga lawak pang-kalingawan dinhin sa dakbayan.
Sumala sa datos sa buhatan, wala kaabot sa P200,000 ang nakolektang amusement taxes. Apan as of November 2022, muabot sa P15 million ang ilang nakolektang buwis.
Gilauman sa CTO nga magdoble kini karong tuig gumikan sa mga dagkong events nga ipahigayon dinhi sa dakbayan sama sa MICECON ug Ironman 70.3 Triathlon.
Dugang sa opisyal nga magmugna kini ug domino effect alang sa mga industriya sa food and hospitality, ug tourism sectors nga mudako ang ilang kitaan.
via || Bombo LJF
