Nagtagbaw og likay ang lalaki kinsang nisuway og saka og balay nga dili iyaha sa dihang gigukod kini og karahay sa tag-iya sa gisak-an niini nga balay.
Gikalingawan karon ang nikatag sa social media human gihimog depensa sa tag-iya sa balay ang kalaha kon karahay sa usa ka lalaki nga giingong nisuway sa pagsulod sa dili niya balay.
Sa security footage gikan sa balay ni Jason Williams sa Logan Square, Chicago diin makita nga nagkupot sa iyang sinaligan nga kaha nga naggukod sa lalaki nga nisuway sa pagsulod sa iyang balay.
Pauli na unta si Jason gikan sa trabaho dihang nakadawat siya og notification sa iyang phone app nga adunay tawo nga nisuway og pagpangawat sa iyang balay hinungdan nga mipauli dayon siya aron papahawaon ang gidudahang kawatan.
Pag-abot niya sa iyang balay, nagdali siya sa pagkuha og butang nga magamit batok niining kawatan.
Apan, sa iyahang pagdali-dali karahay dayon ang iyahang nabunlot sa kusina inay nga kutsilyo.
Sa pagkakita sa giingong kawatan, dali kining nakalayat sa ilahang balay nga bisan habog ang hagdanan apan iyaha kining gilat-angan aron lang nga dili maapsan sa tag-iya nga nakabit-bit na ug karahay.
Tuod man, ang kawatan nakaikyas ug mikaratil sa pagpadagan palayo sa ilahang pinuy-anan.
Tungod sa maong insidente, gireport na lamang sa tag-iya ang maong panghitabo.
Nagpasalamat na lamang sab siya nga wala niya mabunali ug karahay ang gikaingon nga kawatan kay basin ug iyahang mapatay king iyahang mahinaykan.
