Wala na maghatag pa og dugang nga komento ang abogado ni kanhi Pangulong Rodrigo Duterte nga si Nicolas Kaufman kabahin sa rason nganong gidid-an nga makabisita sa detention facility sa International Criminal Court (ICC) ang common-law wife sa kanhing pangulo nga si Honeylet Avanceña.
Pagpasabot niini nga ang katungod sa pagbisita dili desisyon sa mga abogado, kundili sa mga otoridad sa ICC.
Gisalikway ni Kaufman nga aduna sila’y gihisgutan kabahin sa kaso sa kanhing pangulo.
Kahinumduman nga gipadayag ni Avanceña nga gidid-an na siya nga makabisita sa kanhing pangulo human kuno siya makahatag og komento sa telepono kabahin sa kaso sa dihang nakigsulti siya kang Duterte niadtong Hulyo 19.
Gisiguro sab ni Kaufman nga ginabantayan sa mga otoridad sa ICC ang kahimtang sa panglawas sa kanhing pangulo.
