DAVAO CITY – Wala pa nakompleto sa ahensiya sa Department of Education Davao region ang katunga sa ilang target nga pagtukod ug school building alang sa tuig 2016.
Hinuon gipasalig ni Dr. Warlito Hua, ang sa hepe DepEd XI nga pinaagi sa suporta ug serbisyo, matapos gilayon kini sa umaabot nga panahon.
Gikanayong adunay backlog ang DepEd XI nga 10 porsyento sa 2015 senior high school building projects.
Samtang halos tanan nga mga 2015 constructions ang na turn-over na sab sa mga pampublikong tulonghaan.
Gikanayon sab sa opisyal nga pinaagi sa koordinasyon sa DepEd central office, mapatuman sa ahensiya ang mga school building projects nga giilang “disaster-resilient”.
Makumpirma sumala pa ang ihap niini sa higayon nga makompleto sa mga sakop sa DepEd ang validation niini pinasikad sa panginahanglanon sa rehiyon.
Samtang gibutyag sab ni DepEd XI spokesperson Jenielito “Dodong” Atillo nga kinahanglan pa gihapon karon nila nga subayon kung pila ka ihap sa mga tulonghaan ang kinahanglan nga ipailalom sa renovation ug construction.
Una ng gibutyag sa ahensiya nga kinahanglan nila nga palig-onon ang mga schools buildings nga ha-om sa disaster risk reduction ug mitigation sa class curriculum kini tungod ang mga tulonghaan ug estudyante maoy sagad mabutang sa risgo sa higayon nga mo-igo ang kalamidad sama na lamang sa kusog nga linog.
