DAVAO CITY – Gi-awhag karon ni Davao del Norte Second District Representative Alan Dujali nga angayang ang mga residente sa Davao del Norte ang mangusog aron nga mapatuman ang Samal Island–Davao City (SIDC) Connector Bridge (Davao-Samal Bridge).
Una ng gibutyag sa opisyal nga ang mga lumulupyo sa isla kinahanglan nga makighiusa sa pagtukod sa tulay ilabi na nga sila ang matabangan niini sa higayon nga mapatuman.
Kahinumduman nga aprubado na sa National Economic and Development Authority-Investment Coordination Committee (NEDA-ICC) ang pagpatuman sa Davao-Samal Bridge nga kantidad sa P23.04 billion diin P16.61 billion niini ang gamiton sa civil works.
Sumala sa NEDA nga ang sugyot nga tulay sa southern corridor ang mokonekta sa Samal Circumferential Road sa Island Garden City of Samal (IGACOS) ug Davao City partikular na sa R. Castillo-Daang Maharlika Junction.
Anaa sumala pa sa 3.98 kilometers ang gitas-on sa proyekto diin kalakip na niini ang Davao Ramps ug roundabout sa Igacos.
Una ng gibutyag ni Neda-Davao Region director Maria Lourdes Lim nga nagpadayon karon ang gihimong konsultasyon tali sa mga stakeholders sa siyudad ug sa mga posibleng maapektuhan sa proyekto.
Gitataw sab sa nahisgutan nga wala sumala pa mibabag ang mga represesntante sa matag residente nga maagi-an sa proyekto diin timailhan kini nga suportado nila ang pagtukod sa tulay.
