DAVAO CITY – Subling nagpahimangno ang Department of Trade and Industry (DTI) XI sa publiko nga mag-igmat sa mga mangingilad o scammers karong holiday season.
Sumala sa pamahayag ni DTI XI Dir. Rachel Remetio, dili magpadala sa mga text message, Christmas raffle, fake charities ug uban pang matang sa pagpangilad ilabi na kung wala kay gipang apilan nga mga raffle ug promos. Dugang sa ahensya nga likayan usab ang paghatag sa imong impormasyon ilabi na ang bank details.
Gani, padayon gihapon nga naga monitor ang ahensya sa networking o pyramiding scams, freebies scam, ATM scheming ug online gadget giveaways ilabi na sumala pa wala kini miagi sa sakto nga proseso gumikan usa kini kadakong scam.
Ginatuohan sa ahensya nga daghan ang matang sa pagpangatik karong panahona ilabi na sa ka pit-os sa kinabuhi gumikan sa mga giatubang nga krisis hinungdan sa pandemya.
Gani, padayon mibahad ang ahensya ngadto sa mga scammers nga dili magpahimulos sa katawhan gumikan nga mag atubang kini og dakong silot kung matuki ang pagpangilad nga binuhatan.
