DAVAO CITY – Nadawat sa 10th Infantry Division (ID) sa Philippine Army ang ika-duhang batch sa mga modern vehicles nga maoy mikompleto sa 75 units nga gi-alokar alang sa re-fleeting purposes.
Gikanayon ni Maj. Gen. Nolasco Mempin, 10ID commander, nga ang newly-acquired units ang ggilangkuban sa special purpose vehicles (SPVs), mga motorsiklo ug mga ambulansiya.
Sumala ni Mempin, pinaagi sa nahisgutang mga kahimanan, mas mapalambo pa nila ang ilang responsbilidad nga pagprotekta sa katawhan ug mahatagan ug seguridad ang nasud batok sa unsa man nga matang sa hulga gikan sa mga dautang tawo lakip na sa mga masinatiang kalamidad.
Ang nahisgutang mga SPV ang ipang apod-apod ngadtoi sa mga units ug mga staff nga wala pa nahatagan ug mga bag-ong sakyanan. Pinaagi niini, makasiguro nga paspas ug luwas nga matubag ang mga personnel performing combat operations.
Mapalambo usab niini ang community support program sa AFP ilalom sa National Task Force on Ending Local Communist Armed Conflict.
Ang second batch sa mga bag-ong sakyanan ang gilangkuban sa 4 Mitsubishi pickup trucks; duha ka Toyota van-type ambulances; ug 31 ka Kawasaki motorcycle.
Na-una nang giturn-over sa 10ID ang unang batch nga gilangkuban sa 35 ka lain pang mga sakyanan.
