DAVAO CITY – Subling gipasabot sa kasundalohan nga dili sila babag nga hisgutan pagbalik ang peace talks tali sa rebeldeng New People’s Army (NPA) nga kanunay na lamang nga ma-oktaba.
Kahinumduman nga gipadala si Labor Sec. Silvestre Bello ni Pangulong Rodrigo Duterte sa The Netherlands aron makighinabi CPP-NPA founder Jose Maria Sison.
Sumala pa kang Capt. Jerry Lamosao, tigpamaba sa 10th Infantry Division (ID) Philippine Army nga ang hinabing pangkalinaw ang ulahing option aron nga makab-ot ang gipangandoy nga kahusay ug kalinaw ilabi na dinhi sa Mindanao.
Nanghinaut na lamang karon ang kasundalohan nga magpadayon ang peace talk ug magmalampuson kini gumikan kay alang lamang kini sa kaayohan sa tanan.
Samtang mihatag sab ug katin-awan si Lamosao nga wala silay ipatuman nga ceasefire batok sa mga rebeldeng karong panahon sa kapaskohan apan magpadayon sumala pa ang ilang gipahigayon nga mga local peace engagement.
