DAVAO CITY – Pasakahan na ug kasong syndicated Large Scale Estafa ang mga personahe radio station nga Muews Radio nga nakabase sa Davao del Sur nga gipanag-iyahan ni Arvin “ Jun Blanco” Malaza nga giilang board member sab sa Davao del Sur human nga gipadayon sumala pa nila ang operasyon sa Kabus Padatuon Ministry Incorporated ( KAPA).
Kahinumduman nga nagpositibo sa gipahigayon nga entrapment operation ang padayon nga pagpangilad sa maong estasyon sa radyo gamit ang KAPA luyo sa gipagulang kamandoan sa Securities and Exchange Commission ( SEC) diin gikonsidera kini isip investment scam.
Una ng gibutyag ni National Bureau of Investigation (NBI) 11 spokesperson Special Investigator Joel Ayop, nga lima ka mga indibidwal ang ilang gisiko nga gilangkuban sa mga IT technicians, anchorman, guardiya at si Jun Blanco.
Una na sab nga narekober sa otorida ang mga ebidensiya sama sa mga resibo, money counter, marked money nga nagkantidad ug P10,000, KAPA ID’s of member, ledgers, books of account, shot gun namay 4 ka mga bala ug mga papeles nga aduna pa gihapoy kalabutan sa nahisgutan nga operasyon.
Sa higayon nga mapamatud-an sa ilang salaod nga nahimo, hayan nga mabalhog sa presohan ang mga dinakpan ilabi na nga walay irekomenda nga piyansa ang korte sa nahisgutan nga kaso.
Atol sa pagpakighinabi kang Blanco, nagkambiyo na kini sa iyang pagtuo nga usa ka pagpangilad ang operasyon sa KAPA kini base na sab sa pahayag ni Pangulong Rodrigo Duterte. Kung legalidad sumala pa ang hisgutan, wala sumala pa siyay kasayuran sa operasyon sa Kapa kung dili ang mga nanguna ug nagdumala matud pa niini.
