DAVAO CITY – Gi-andam na ang kasong Illegal Discharge of Firearms ug Grave Threat batok kang Pulis master Sgt. Dante Gamutan Jose nga una ng gisikop human nga nagpaboto kini sa iyang armas ug nanghasi.
Kahinumduman nga pabilin karon nga gibalhug sa presohan sa buhangin PNP ang pulis human nga gisikop kini sa otoridad sa Purok 11, Barangay Communal.
Gikanayong ayha nahitabo ang pagpaboto sa iyang armas, nakig-inom kini sa usa ka mekaniko apan nagbaton og grabe nga panaglalis ang mga nahisgutan nga miresulta sa pagpaboto niini ug armas.
Mihatud kini og kahadlok sa mga residente sa lugar hinungdan nga dali sila nga nanawag og pulis.
Nakuha sa posisyon sa dinakpan ang .9mm caliber nga issued firearm niini lakip na ang usa ka magazine, 7 ka live ammunition, ug usa ka empty shell.
Igo na lamang karon sa pagmahay ang pulis sa iyang salaod nga nahimo.
