DAVAO CITY – Gibutyag sa Davao City Health Office (CHO) nga ang severely acute malnutrition (SAM) status sa siyudad ang anaa 0.9 percent kini subay sa bag-ong gipagula nga nutrition survey.
Sumala pa kang CHO head Josephine Villafuerte nga sukad sumala pa nga nagsugod ang Community Integrated Management for Acute Malnutrition (Cimam) kaniadtong 2013 ilalom sa kanhi Mayor ug karon Pangulong Rodrigo Duterte, aduna sumala pay dakong pag-ubos sa ihap sa mga bata nga kalakip sa severely acute malnourished category.
Nasayran nga ang Cimam usa ka ahensiya sa kagamhanan nga nagatambal sa malnutrition pinaagi sa paghatag sa mga bata sa gitawag nga food medicine.
Ayha sumala pa gipatuman ang programa, miabot sumala pa ang kaso sa severe acute malnutrition sa siyudad ug nine percent kaniadtong tuig 2013.
Gikanayong ang Barangay Mahayag sa Bunawan District ang nag-una gisundan kini sa Barangay Malamba sa Marilog District (second), Barangay 31-D (third), Barangay Talomo Proper sa Talomo South District (fourth) ug Barangay Colosas sa Paquibato District (fifth).
