Gilaumang mosaka pa ang ihap sa kaso sa leptospirosis sa mga mosunod nga semana atol sa nasinatiang pagbaha tungod sa mga pag-ulan.
Kalabot niini, miapela pag-usab si Health Secretary Ted Herbosa sa katawhan nga likayan nga mosulong sa baha tungod kay kini ang higaw ug dili kini swimming pool.
Kinahanglan matud pa nga bawalan ang mga bata nga magdula sa mga baha. Pagpasabot ni Sec. Herbosa nga dili makatakod ang usa ka tawng nataptan sa leptospirosis apan makuha kini maong sakit gikan sa bacteria gikan sa tubig baha nga adunay ihi o hugaw sa ilaga, Dili lamang matud pa gikan sa baha apan makuha usba ang maong skait bisan sa lapok.
Maong matud pa sa kalihim nga ang pag-inom sa prescriptive antibiotic alang sa leptospirosis sama sa Doxycycline nga maoy pamaagi arong mapugngan ang mao nga sakit.
Apan ang pinaka-epektibo nga prevnetive measure mao ang likayan nga mosulong sa baha ug ipabilin nga limpyo ang palibot.
