DAVAO REGION- Subling nagpahinumdom ang mga eksperto sa medisina sa importansya sa pag-inom og tubig, pagkaon og prutas ug gulay.
Kini ang tungod kay gibutyag ni Dr. Rachel Pableo Esquivel, usa ka nephrologist ug miyembro sa Philippine Society of Nephrology Mindanao Chapter nga adunay pagsaka sa ihap sa mga pasyente nga adunay End-stage Renal Disease kon ESR sa rehiyon onse.
Sumala pa niini nga kini ang tungod kay ang mga pasyente ang diha lamang mo adto ug ospital aron magpa check up og aduna nay gibating grabe nga mga simtomas sama sa grabe nga paghubag, kalisud sa pag-ihi, ug problema sa pagkatulog.
Pagbutayag ni Dr. Alrick Escudero usa usab ka nephorologist sa SPMC ug miyembro sa Philippine Society of Nephrology Mindanao Chapter nga niadtong tuig 2022, anaa sa 90,000 ka mga Pilipino ang naga undergo og dialysis.
Alang dinhi sa rehiyon, adunay 2,4000 ka mga pasyente niadtong panahuna og gibana-banaang anaa kini pagsaka sa dose ngadto sa kinse porsyento matag tuig.
Sigon niini nga 94% lamang sa mga ESRD ang naga undergo og dialysis, 4% ang nagapailawom sa peritoneal dialysis ug 2% ang naga undergo og lidney transplant.
Dugang pa ni Dr. Escudero nga ang rason sa mortality rate sa Chronic Kidney Disease nga 35.4% mao ang komplikasyon sa uban pang mga sakit sama sa hypertension nga naka-apekto sa 22.5% sa mga pasyete samtang ang diabetes ang naka apekto sa 52.5%.
Karong umaabot nga Hunyo 28, 2024 , subling nag-awhag ang maong buhatan ngadto sa publiko sa ilahang pagabuhatong komemorasyon sa National Kidney Month diin aduna silay giandam nga mga aktibidad nga naka focus sa pag-atiman sa kidney.
Dugang pa niini nga libre ang pagsalmot sa maong aktibidad.
