DAVAO CITY – Nakatala sumala pa ang Department of Health (DOH)-Davao ug 27 porsyento nga pag-ubos sa dengue cases sa Davao region nga anaa sa 993 sa bulan sa Agosto kung itandi sa 1,263 sa milabay nga Hulyo 2019.
Sumala pa kang DOH Regional Dengue Control and Prevention Program manager Engineer Antonietta Ebol ang natalang namatay tungod sa dengue ang miubos sa unom sa bulan sa Agosto gikan sa 15 sa milabay nga Hulyo.
Ang dakbayan sa Davao ang nag-una sa pinakadaghan nga kaso sa dengue sa rehiyon nga anaa sa 2,968 samtang 13 ang namatay; Compostela Valley – 897 ug duha ang namatay; Davao Oriental – 763 ka kaso ug tuo ang namatay; Davao del Norte – 673 ka kaso ug 7 ang namatay; Davao del Sur – 225 ka kaso ug tulo ang namatay; ug Davao Occidental adunay 40 ka kaso ug duruha ang namatay.
Nasayran sa nahisgutan nga ang Davao City adunay 30 dengue hotspots nga gilangkuban sa Buhangin, Talomo North, Talomo Central, Talomo South ug Agdao.
