Nagpadayag og seryosong kabalaka ang Philippine Anti-Corruption Czar (PACC) kabahin sa padayon nga kadaut ug delikado nga kondisyon sa dalan nga nagkonekta sa Barangay Magtuod ug Barangay Waan sa ning dakbayan sa Davao, bisan pa sa pondo sa gobyerno nga nakagahin na alang sa rekonstruksyon niini.
Sa opisyal nga ocular inspection nga gihimo sa maong dalan, ang PACC team nga gipangulohan ni Chairman Dr. Louie Ceniza, PhD, kauban ang Spiritual Adviser Bishop Rod Cubos, Board of Trustee Dr. Allan Japor, PhD, Pastor Richie Cubos, ug volunteer Engineers, natala niini grabe nga kadaut sa karsada, lakip na ang full-length cracks, slab displacement, deep rutting marks, ug exposed soil cavities.
Sumala pa nga kini nga mga kondisyon ang nakamugna na og daghang aksidente sa sakyanan ug nakahatag og kahasol ilabi na sa mga residente ug mga motorista nga mogamit sa dalan.
Nasayran nga bisan pa sa hingpit nga procurement completion ug pagpagawas sa contract documents, ang contractor wala sumala pa mag-mobilize ug wala pa magsugod sa pagtangtang o pag-reconstruct sa pavement.
Nabantayan sa mga inspector sa PACC nga ang concrete structure nakab-ot na ang hingpit nga structural failure.
Nawad-an sumala pa og suporta ang pavement ug makita ang ilawom nga yuta.
Dili pantay ang elevation nga nagmugna og hait nga mga depresyon sa dalan.
Delikado nga hulagway sa dalan alang sa mga motorsiklo ug bisikleta.
Sumala pa sa mga residente nga ilahang nahinabi nga ang daot nga dalan, nakahatod og kadaut sa under-carriage sa sakyanan.
Samtang nakamugna usab kini og aksidente sa motorsiklo sa panahon sa pag-ulan ilabi na sa gabii. sa pagkakaron, wala pa’y gipagawas nga pamahayag ang DPWH-11.
