DAVAO CITY – Gipasalig sa kapulisan nga ila sumala pa nga tutokan ug i-monitor ang pagpatuman sa gun ban ingon man suspensyon sa Permit to Carry Firearms Outside Residence (PTCFOR) sa mga naghupot og armas.
Tipik lamang kini human nga aprubado na ang pagpatuman niini dinhi sa dakbayan sukad Enero 1 hangtud sa Disyembre 31, 2020.
Sumala kang Pol. Capt. Rose Aguilar, tigpamaba sa Davao City Police Office (DCPO) nga kung adunay gihuptan nga PTCFOR ang usa ka indibidwal ug buot niini dad-on ang iyang armas, kinahanglan nga mokuha una kini og permit to transport nga gina-isyu sumala pa sa security unit sa Police Regional Office (PRO) 11.
Una ng gibutyag ni Davao City Mayor Inday Sara Duterte-Carpio nga ipatuman ang gun ban sa dakbayan kini aron mapabilin ang pagpatuman og hugtanon nga seguridad ilabi na nga hingpit ng gitapos ang pagpatuman og Martial Law dinhi sa Mindanao.
Hinuon gitino sa Mayor nga dili kalakip sa gipatuman nga gun ban ang mga uniformed personnel.
