DAVAO CITY – Nagpahimangno ang otoridad ngadto sa publiko ilabi na kadtong sagad nga nagabiyahe nga kanunay i-check ang mga makina sa sakyanan aron nga masiguro nga anaa kini sa maayong kondisyon.
Tipik lamang kini human ang ulahing aksidente kagahapong adlawa diin anaa sa upat ka mga tawo nga sakay sa delivery truck nga adunay kargang construction materials ang namatay human nga nadisgrasya sa Diversion Road, kagahapon sa udto.
Una ng naila ang mga biktima nga dead on the spot nga sila si Meljay Quillosa, Amakan, Buhangin ; Rolly Ambas Balaquiso, 19-anyos, Mahayag Bunawan, Justin Lumanta, 26-anyos taga Mahayag, Bunawan ug ang drayber sa trak nga si Canet Gaspar Mobe, 27 anyos, Country Homes Cabatian Buhangin.
Gimaheno sumala pa ni Mobe ang truck apan pag-abot niini sa may Orange Grove sa Matina Pangi nawad-an kini ug kontrol hangtud nga nabangga sa poste sa kuryente.
Padayon ang gipahigayon nga imbestigasyon sa otoridad kalabot sa maong aksidente samtang gipahiluna na sab ang patay’ng lawas sa mga biktima.
