DAVAO CITY – Nagpahigayon sab karung adlawa ug hugtanon nga pagpatrolya ang mga sakop sa kapulisan dungan sa pagsaulog sa easter Sunday sa mga beach resort diin lauman nga dagsaon sab kini sa mga mahiligon nga maligo ug dagat ingon man mga turista.
Dungan niini, nagpahimangno ang otoridad nga kinahanglan bantayan kanunay ang mga bata nga maligo arun nga dili kini mabutang sa disgrasya.
Nanawagan sab ang otoridad sa publiko nga kung mamahimo adunay mabilin sa panimalay kung musuroy aron nga dili makapahimulos ang mga adunay plano nga manglungkab o mamahimong itugon na lamang sa silingan ang pagbantay niini.
Gipakatag ang kapulisan sa mga nagkadaiyang lugar karung adlawa kini arun nga dali kini nga maka-responde sa higayon nga adunay reklamo o mga dagkung insidente nga matala.
