DAVAO CITY – Andam na ang Police Regional Office XI sa ipakatag nga mga PNP personnel aron nga mohatag og dugang seguridad alang sa nagsingabot nga plebisito aron nga hulipan ang pangalan sa Compostela Valley ngadto sa Davao de Oro nga gikatakda sa Disyembre 7.
Sumala pa kang Pol. Brig Gen. Filmore Escobal, regional police director, nga manguna ang Compostela Police Provincial Office sa security preparations alang sa political activity.
Hinuon gikanayon ni Escobal nga wala silay namonitor nga bisan unsa man nga grupo nga babag sa paghulip sa pangalan sa Comval ngadto sa Davao de Oro.
Apan dili sumala pa garantiya nga 100% nga luwas tungod sa presensya sa New People’s Army sa pipila ka komunidad.
Gitataw sab sa regional police chief nga aktibo si ComVal Gov. Tyron Uy sa suporta sa tanan nga mga inisyatibo sa AFP nga maoy dalan aron nga atbangan ang bisan unsa man nga bahad sa NPA.
