Kapulisan, adunay dakong papel panahon sa mga kalamidad

DAVAO CITY – Dako sumala pa ang mamahimong papel sa kapulisan panahon sa kalamidad gawas sa mga hingtungdang ahensiya sa kagamhanan nga gitahasan sa susama nga sitwasyon.

Kini ang nahimong pahayag ni Pol. Col Camilo Cascolan, Deputy Chief foo Operations sa PNP.

Sumala sa opisyal nga kini ang rason nga kinahanglan palig-onon pa nila ang ilang  Disaster Management Task Force.

Unang nakigtigom si Cascolan sa mga municipal ug provincial directors kagahapong adlawa aron nga ipasabot ang mga nag-unang lakang nga kinahanglan nga himuon sa kapulisan sa higayon nga mo-igo ang kusog nga linog.

Sila sumala pa ang mo-assist sa ahensiya sa Office of the Civil Defense (OCD) alang sa pagresponde sa lugar mga maapektohan sa kalamidad.