DAVAO CITY – Anaa na sa kapin usa ka libo ka mga indibidwal ang apektado sa nahitabong pagbaha sa Malita, Davao Occidental sukad pa niadtong Miyerkules sa gabii.
Nagpaubos na karon og close monitoring ang MDRRMO ubos sa sa mando ni Mayor Bradly Bautista alang sa kaluwasan ug seguridad sa katawhan sa Lungsod sa Malita.
Sumala sa MDRRMO Malita, anaa sa 1,095 ka mga indibidwal o katugbang niini ng 326 ka mga pamilya nga gilangkuban sa 264 ka mga lalaki ug 224 ka mga babaye.
Anaa sa 31 ang mga balay nga nadanyos diin 8 ang totally damaged ug 17 ang partially damaged. Partikular nga apektado ang mga nahimuyo sa Sitio Looban Dike.
Samtang gikordon ang nahagsa nga tulay nga nagdugtong sa mga barangay sa Bolila ug Kibalatong human mahugmak ang usa ka bahin sa tulay dungan sa pag-apaw sa tubig baha.
Sumala pa ni Alona Estrella, information designate for broadcasting ng Provincial Government Unit, stranded karon ang mga residente sa nasangpit nga lugar.
Gipasuspinde sab ang mga klase sa mga pampubliko ug pribadong tulunghaan sukad pa kagahapon.
Walay hunong sab ang paghatag og hinabang sa Provinicial Government ngadto sa mga apektadong residente.
