Kapin sa 800,000 ka mga tawo ang naapektuhan sa pagkusokuso sa Super Typhoon Carina ug sa Habagat.
Sa labing bag-o nga datus sa Office of Civil Defense (OCD) anaa na sa 882,861 ka indibidwal o 183,464 ka pamilya gikan sa 686 ka barangay sa tibuok nasod ang nag-atubang sa epekto sa tropical cyclone ug sa makusog nga mga pag-ulan.
Mokabat sa 8,230 ka mga pamilya o 35,388 ka mga indibidwal ang kasamtangang nagdangop sa labing menos 90 ka mga evacuation centers.
Daghan usab ang mipili nga magpabilin sa ilang mga paryente o higala taliwala sa daot nga kahimtang sa panahon. Dugang pa sa OCD hugot nila nga gibantayan ang Metro Manila, Central Luzon, ug Calabarzon.
Kahibaloan nga nagdeklara na ug state of calamity ang Metro Manila ingon man ang Pinamalayan, Oriental Mindoro; Kabacan, Cotabato; Pikit, Butuan, Oriental Mindoro, ug Davao Occidental karong panahuna.
