DAVAO CITY – Padayon nga nanawagan karon ang city transport and traffic mamnagement office (CTTMO) ngadto sa mga PUV drivers sa syudad nga wala pa makapa-renew sa ilang mga PUV ID.
Gikanayon ni CTTMO Head Dionseio Abude, moabot pa lamang karon sa 8,264 ka mga PUV drivers ang nakapa-rehgistro sa ilang mga ID.
Layo pa kaayo sumala pa kini sa ilang target nga 12,303 nga nmaoy kinatibuk-ang ihap sa mga PUV drivers sa syudad alang sa tuig 2021.
Hinuon, kagahapon midagsa ang kapin 50 ka mga PUV drivers sa buhatan sa CTTMO aron magpa-renew sa ilang mga ID. Kini human miabot na usab sa 218 ka mga drivers ang nangadakpan gumikan sa expired nga ID.
Dugang pa ni Abude nga seryoso ang syudad sa pagpatuman sa PUV ID gumikan kay pinaagi manahimong sayon alang sa mga pasahero ang pagpadangat sa ilang mga reklamo batok sa mga abusadong drivers.
Samtang ang mga driver nga madakpan nga naghupot ug wala pa ma-renew nga ID ang pamultahon ug uskaa libo ka pesos.
