DAVAO CITY – Dakpan sa gilusad nga drug buy bust operation sa Sta. Ana Police Station inabagan sa RSOG personnel sa Bermudez St., Brgy. Visayan Village, Tagum City ang tulo ka mga indibidwal diin nakuha sa ilang posisyon ang kapin P9 milyones ka pesos nga kantidad sa ginadili nga druga.
Gilusad ang operasyon pasado alas singko kagahapon sa hapon nga miresulta sa pagkasikop kang alyas Bembol Papata, residente sa Pindasan, munisiplidad sa Mabini, Compostela Valley diin narekober sa iyang posisyon ang kapin kun kulang 599 grams sa shabu nga adunay street market value nga P9,440,00.00.
Kauban sa dinakpan ang iyang kalive-in ug ilang higala.
Gikanayong kaslon unta karong adlawa ang mag-live in ug gani gikan sumala pa ang mga nahisgutan nga naghatud sa ilang wedding invitation.
Susama karon nga gipangpaslak sa presohan ang mga dinakpan ug gi-andam na ang kaso nga iduso batok kanila.
Sumala pa kang PCOL KIRBY JOHN BRION KRAFT, City Director sa Davao City Police Office (DCPO) giila nila nga “big fish” ang ilang nasikop nga suspek gumikan kay kini ang pinakadakong kantidad sa ginadili nga druga nga ilang nakumpiska karong tuiga.
Makatabang sab sumala pa ang ilang nahipos nga impormasyon gikan sa suspek aron nga mapadayon nila ang ilang follow up operation.
Pahayag ni PCOL KIRBY JOHN BRION KRAFT, City Director sa Davao City Police Office (DCPO).
