DAVAO CITY – Nakatala karon ang probinsiya sa Davao del Sur ug Davao del Norte ug kinatibuk-ang kapin P998 million nga kantidad sa kadaut sa high-value crops ug livestock tungod sa El Niño phenomenon nga padayong nakaapekto sa rehiyon.
Gikanayong ang Davao del Norte maoy grabe nga naapektohan subay sa partial ug unofficial damage sa P651.23 million base sa Department of Agriculture-Disaster Risk Reduction Management (DA-DRRM). Samtang ang Davao del Sur nakatala ug kadaut nga P347.45 million.
Mukabat sab sa P548.81 million ang kadaut sa Davao del Norte sa mga high-value crops samtang P162.65 million sa Davao del Sur diin pipila sa mga naapektohan ang mga pananom nga saging, gulay ug punoan sa mga prutas.
Nakatala sab ug P273.27 million ang duruha ka mga probinsiya sa ilang mga pananom nga humay ug mais. Natala sab ang P12.95 million nga kadaut sa livestock.
Gikanayong 13,340 ka mga mag-uuma ang apektado sa mga areas sa Asuncion, Carmen, Kapalong ug Panabo Davao del Norte ug Kiblawan, Magsaysay, Matanao, Padada, ingon man sa Sta. Cruz Davao del Sur nga sakop ang 16,410.96 ka ektarya.
