Gibarugan na sa Commission on Audit ang nahimong desisyon niini niadtong Enero 31, 2020 kong diin gibalubaran niini ang P92.8 milyon nga claim nga giserve sa National Food Authority batok sa Department of Education.
Base sa nahimong desisyon sa COA en banc, ginarugan na sa komisyon nga kinahanglang balibaran niini ang motion for reconsideration sa NFA tungod sayop kining magsubmitar og pamatuod nga adunay aktwal nga delivery sa bugas ubos sa Food for School Program kon FSP sa DepEd gikan 2006 hangtod 2010 bisan pa man nahatagan na og saktong oras aron kini ang buhaton.
Sa ilahang petisyon, giinsister sa NFA nga sobra ang paghatod sa bugas sa DepEd nga sa kinaulahian wala kini mabayran sa ahensya.
Lakip sa mga dokumento nga gisumiter niini isip pagsuporta sa maong claim mao ang certification gikan ni DepEd Undersecretary Francisco Varela nga nakadawat ang ahensya og rice deliveries nga nagkantidad og P92,797,212.50 ug tubag gikan ni kanhi Education Secretary Armin Luistro diin giingong niangkon siya sa certification gikan kang Varela ingon man sa iyang sulod.
Apan, ang COA miingon nga ang pagdawat sa mga opisyal sa DepEd dili igo nga pruweba sa kabalido sa usa ka mapatuman nga obligasyon batok sa departamento sa Edukasyon.
