Miabot na sa P203.38 million ang natala nga damyos nga gibilin sa nasagol nga epekto sa bagyo nga Carina uf Habagat sa sektor sa agrikultura sa Pilipinas.
Base sa pinaka-ulahing datus nga gipagawas sa Department of Agriculture- Disaster Risk Reduction and Management Operations center nga naapektuhan ang mga humayan, maisan ug tamnanan ug mga high value commercial crops sa nagkadiayang bahin sa nasud, tungod sa halapad nga pagbaha nga nasinatian.
Gilangkuban kini sa 10,688 nga ektarya sa mga tamnanan samtang miabot na usab sa 2,574 metric tons sa mga pananom ang nadaot.
Miabot na usab sa 9,198 ka mga mag-uuma ang naapektuhan kana matud pa sa Department of Agriculture.
Kini sila ang nakuha gikan sa mga DA Regional Field Offices kon RFO’s sa Central Luzon, Mimaropa, Western ug Eastern Visayas, Zamboanga Peninsula, Soccsksargen ug Caraga Region.
Padayon usab ang ginabuhat nga field validation sa DA kalabot sa epekto sa bagyo, samtang padayong usab ang pagsulod sa dugang nga report gikan sa mga field offices niini.
Una na usab nga gisiguro sa ahensya ang naka-andam nga tabang nga i-apod-apod sa mga biktima nga mag-uuma.
