DAVAO CITY – Nakakolekta na matud pa karon ang Bureau of Fisheries and Aquatic Resources (BFAR) Davao Region og kapin kun kulang P500,000 nga koleksiyon sa gipahamtang nga penalty tungod sa fishing violations sa tuig 2019.
Gikanayong ang BFAR miduso og 40 ka kaso tungod sa kalapasan sa probisyon sa Republic Act 10654 o ang gi-amyendahan nga Philippine Fisheries Code of 1998.
Gikan sa 40 ka kaso, bugtong 35 lamang ang naresolba uban ang penalty nga P522,699.29.
Gitataw ni BFAR-Davao Director Fatma Idris nga sagad sumala pa sa mga kaso ang gilangkuban sa kalapasan sa Section 95 o paggamit og Active Fishing Gears sa Municipal Waters ug uban pang Fishery Management Areas.
Ang uban pang kaso nga giduso ang gilangkuban sa kalapasan sa Section 86 o Unauthorized Fishing.
Nasikop ang nahisgutan nga mananagat tungod sa wala pagdala og fishing licenses.
Atol sa unang semester sa 2019, nakakumpiska ang BFAR ug kinatibuk-ang 45,583 ka kilo nga giant clams sa Island Garden City of Samal (Igacos) sa Davao del Norte.
