DAVAO CITY – Miabot sa 2,205 ka mga pasahero sa Davao International Airport ang nangatanggong human nga gikansela sa mga airline companies kagahapon ang ilang mga flights gumikan sa aberya sa Philippine Air Traffic Management Center kon ATMC.
Sa datos nga gihatag sa mga hingtungdan sa airport, gikan kana sa 16 ka mga flights pagawas sa nasud ang maong ihap sa mga nanga-stranded sa maong tugpahanan.
Sa susamang flight, 14 niini ang domestic kun asa anaa sa 1,987 ka mga pasahero ang apektado; ug duha ka international flights diin 218 ang ilabihang apektado.
Sa pagkakaron, nagpagawas na ang mga airline companies ug mga pahayag mahitungod sa rebooking ug reschedules sa mga flight samtang kasagaran sa mga pasahero ang nagahulat nga matawhay na ang sitwasyon sa maong tugpahanan.
Kahinumdumang nakasinati ug power outage ang Philippine Air Traffic Management Center kagahapon sa alas-4 sa hapon nga naghatud ug kakulian sa komunikasyon, radyo, radar ug internet sa maong pasilidad.
Nibalik na sa normal ang operasyon niini pagka-alas 5:50 sa hapon.
via || Bombo LJF
