DAVAO CITY – Mobalor sa 9.5 milyon posos ang kantidad sa mga illegal nga druga ang gipang-guba sa PDEA regional office 11 ug 12.
Gipangunahan mismo ni PDEA 11 Regional director Antonio Rivera ug PDEA 12 regional director Naravy Duquiatan ang pagsunog ug pagguba sa mga nakompiskang illegal nga druga ug mga expires nga mga tambal alas 2 kagahapoing adlawa sa Monte Cielo Eternal Gardens Crematorium, Barangay Mabuhay, General Santos City.
Ang mga gipang-guba ug gipangsunog nga kontrabando ug illegal nga druga ang gilangkuban sa kinatibuk-ang 970.8735 nga gramo sa shabu; 24.127.1732 grams sa ugang dahon sa marijuana, 202 tablets sa Phenobarbital Tablets, ug 227 ampules sa expired medicines nga adunay Dangerous Drugs Board (DDB) value nga 9.5 million pesos, pinaagi sa usaka thermal facility sa General santos city.
Gipahigayon ang pagsunog aron mapapa ang pagduha-duha sa publiko nga mamahimong i-recyle ang mga nakompiskang illegal nga druga pinaagi sa mga law enforcement agencies.
