-- ADVERTISEMENT --
DAVAO CITY- Mikabat sa P758,350 ang nasakmit nga kantidad sa iligal nga droga gikan kay alyas Arnel, 33-anyos nga lumulupyo sa Matina Pangi ning dakbayan sa dabaw atol sa pagsilbi og search warrant batok sa maong suspetsado.
Nahitabo ang maong pagkasikop niini kagahapon sa hapon sa Purok 10-A, Moryo-Moryo, Km. 8.5, Matina Pangi ning syudad pinaagi sa gahum sa gi-isyung search warrant gikan sa 1th Judicial Region, RTC, Branch 13, Davao City nga adunay petsa nga July 18,2024 tungod sa pagsupak niini sa Republic Act 9165 kon Comprehesive Dangerous Drugs Act of 2002.
Ning kasamtangan, anaa na sa Talomo Police Station ang maong dinakpan og ginahan-ay na ang kasong ipasaka batok sa maong suspetsado.
