DAVAO CITY – Kapin sa says mil ka mga bakanting trabaho ang giandam alang sa nagsingabot nga “Kalayaan Job Fair” sa June 12 nga ipahigayon sa usaka Mall sa Buhangin, Davao City diin ang mga nangita ug trabaho ang magbaton ug higayon nga ma-hired on the spot.
Lakip sa nag-una nga bakanting trabaho ang mga mosunod: customer service representatives, sales representatives o associates, technical support experts, production staff, ug outbound sales representatives.
Samtang, alang sa abroad nagkinahanglan usab ug mga nurses, customer services, ug skilled workers.
Kinahanglan lamang magdala ang mga aplikante ug resumé/biodata, identification (ID), ug uban pang mga pertinenteng mga documents.
Gikanayon ni Davao City Public Employment and Services Office (PESO) Supervising Labor and Employment Officer Lilibeth Pantinople nga moabot sa kinatibuk-anjg 47 ka mga kompanya nga gilangkuna sa 38 ka mga local ug 6 ka overseas ang apil sa listahan sa mga mopartisipar sa Independence Day Job Fair gi-organisa sa PESO sa pakig-alayon tali sa Department of Labor and Employment (DOLE) XI – Davao City Field Office.
Uban sa tema nga “Pagsuong sa Hamon ng Panibagong Bukas”, ang Kalayaan 2022 Trabaho Negosyo, Kabuhayan (TNK) Job & Business Fair, modawat ug mga pre-registered ug walk-in clients isip pagsagop sa hybrid recruitment process ug sa new normal.
Dugang pa ni Pantinople nga subay sa labing ulahi nga record, moabot na sa 900 ang naka-pre-registered alang sa June 12 Kalayaan Job Fair”.
Mamahimo usab sumala pang surtaon sa mga job seekers ang nagkadiayang mga kompanya ug ang mga bakanting trabaho pipnaagi sa PESO FB page, ug pabiling pag-abri ang pre-registration ug mamahimo kining ma-access online.
Gikanayon usab ni Pantinople nga sa higayong naka-pre-registered dili na kinahanglan pa nga moagi sa taas nga registration line atol sa job fair.
Samtang, usaka mini job fair ug onsite pre-registration sa Kalayaan Job Fair gitakda sa June 10-11, 22, gikan alas 9 sa buntag hangtud alas 4 sa hapon sa usaka Mall sa Buhangin diin 10 ka mga kompanya ang present sa maong kalihukan.
