DAVAO CITY – Muabot na sa 5,537,773 ang kinatibukang ihap sa mga pasahero nga nakabenepisyo sa Libreng Sakay o Service Contracting Program 3 sa Land Transportation Franchising and Regulatory Board o LTFRB sa rehiyon unse sukad Abril 14 hangtund Hunyo 21 ning kasamtangang tuig.
Tumong sa maong programa nga matabangan ang mga operator ug mga drayber nga naapektohan ang panginabuhian gumikan sa pandemya ug ang nagpadayong pag-usbaw sa presyo sa produktong petrolyo.
Gawas pa niini, matabangan usab ang mga Healthcare Workers (HCW) ug Authorized Persons Outside of Residence (APOR) pinaagi sa Libreng Sakay program.
Samtang, padayon usab nga naglaum si DOTr Secretary Art Tugade ug si LTFRB Chairman Martin B. Delgra III nga ang Service Contracting Program, makatabang sa mga partisipante nga madungagan ang ilang kita alang sa ilahang pamilya ug ingon man aron makatipid ang mga pasahero tungod sa maong programa.
Via || Angie Chagas
