Natanggal ang kinatibuk-an nga 5,388,421 ka mga botante gikan sa official voter’s list alang sa 2025 midterm elections subay sa ulahing datos gikan sa Commission on Elections (Comelec).
Sa nasampit nga ihap, kinatibuk-an nga 686,859 ka mga botante ang gipapas na gikan sa listahan.
Pagpasabot pa sa Comelec nga na-deactivate ang registration sa mga botante human nga napakyas kini sa pagbotar sa duha ka regular elections, bisa sa court order, kawad-on sa Filipino citizenship ug walay valid nga mga dokumento.
Samtang ang uban napapas sab sa listahan tungod mitaiwan na kini, ang uban usab adunay multiple o double registration.
Samtang mokabat na sab sa sa 5,372,424 ang kinatibuk-an nga ihap sa bag-ong rehistradong botante alang sa 2025 midterm elections.
Unang gi-report sa poll body nga nilapas na sa 65.9 million ang mga rehistradong botante alang sa Mayo 2025 nga piniliay,apan kulang pa kini sa target sa poll body nga 70 milyon ka mga botante.
