Subay sa pag-obserba sa Drug Abuse Prevention and Control Week 2025 nga adunay tema nga “Sa Bagong Pilipinas, Kalusugan ay Pinahahalagahan, Droga ay Inaayawan,” ug sa hugot nga pagtuman sa Republic Act 9165 o ang Comprehensive Dangerous Drugs Act of 2002, ang Philippine Drug Enforcement Agency Regional Office 11 (PDEA RO 11), ubos sa pagdumala ni DIR Edgar T.Jubay, Regional Director, nanguna sa pagsunog sa iligal nga droga kagahapong adlawa alas 9:00 sa buntag sa Cosmopolitan Funeral Homes, sa J. Camus Extension kanto Jose Abad Santos Street, ning dakbayan sa Davao.
Nasayran nga mokabat sa ₱4,020,036.48 ang kinatibuk-ang kantidad sa iliga nga droga, gawas pa sa kantidad sa mga expired nga tambal ug ang gisunog sa thermal incinerator sa nasampit nga Funeral Homes.
Ang mga iligal nga droag nga gisunog ang gilangkuban sa 497.3788 gramos nga shabu nga nagkantidad og ₱3,382,175.84, samtang 5,303.8387 gramos nga marijuana nga nagkantidad og ₱637,860.64.
Adunay mga expired nga tambal nga nagkantidad og ₱3,308.
Sumala pa sa mga otoridad ngga gipahigayon kini aron masiguro ang husto ug legal nga pagdumala sa ebidensya sa droga ug aron matubag ang mga pagduhaduha sa publiko kabahin sa giingon nga pag-recycle sa mga nadakpan, nakumpiska, ug gisurender nga illegal nga droga sa pipila ka law enforcement agencies.
Ang gihimong pagsunog gitun-an ug gisaksihan sa Presiding Judge sa Regional Trial Court, Branch 17, ning dakbayan sa Davao, ug mga representante sa Department of Justice, Public Attorney’s Office, usa ka napiling opisyal sa publiko, mga grupo sa civil society, ug mga miyembro sa media aron masiguro ang hingpit nga transparency ug accountability sa tibuok proseso.
Padayon nga lig-on ang PDEA Regional Office 11 sa pagtuman sa integridad sa kampanya sa gobyerno batok sa droga pinaagi sa pagpanalipod sa ebidensya ug pagsiguro sa legal ug dili na mabalik ngadto sa katilingban.
