DAVAO CITY – Moabot sa kapin 3 mil ka mga Indigenous People o IP beneficiaries ang target sa Department of Social Welfare and Development (DSWD), nga ipa-ilalom sa special household assessment pinaagi sa Pantawid Pamilyang Pilipino Program o 4P’s.
Ilalom sa Modified Conditional Cash Transfer (MCCT) sa 4Ps sa Davao Region, 3,707 ka mga beneficiaries gikan sa 29 ka mga syudad ug munisipalidad sa Davao Region ug ka mga 11 barangay sa Davao City ang ipa-ilalom sa assessment.
Sa nahisgutang ihap 3,416 o 92.15% sa total targeted MCCT-IP household beneficiaries ang malampuson nga nahilakip sa encoding ug verification sa Listahanan.
Ang gihimong assessment ang isip pagtuman sa direktiba nga ma-assess ang mga MCCT-IP beneficiaries sa 4Ps isip legal nga mandato sa Republic Act No. 11310 o ang 4Ps Act.
