DAVAO REGION- Mokabat sa kapin 2 milyon nga kantidad sa iligal nga droga kon shabu ang nakumpiska sa kapulisan atol sa pagsilbi sa search warrant batok sa usa ka laborer pasado alas kwatro ang takna sa kaadlawon.
Gawas sa iligal nga droga nakumpiska sa ang .22 caliber revolver atol sa search operation.
Giila ang dinakpan nga si Gerson Chavez, 38-ayos, adunay kapuyo nga residente sa Prk. Tadena, Brgy. Mankilam dakbayan sa Tagum.
Una ng gipaguwa ang search warrant batok sa nahisgutan nga gipakanaog ni Judge Jimmy B. Boco sa RTC, 11th Judicial Region Branch 2,dakbayan sa Tagum nga gipaguwa niadtong Agosto 20, 2024, tungod sumala pa sa paghupot og iligal nga armas sa iyahang pinuy-anan.
Gikonsidera sa mga kapulisan nga usa ka High Value Individual sumala pa ang dinakpan.
Mokabat sa unom ka mga dagkong pakete sa iligal nga droga kon shabu nga mitimbang ug 315 grams nga nagkantidad ug P2,142,000 ang nakumpiska sa otoridad, samtang ang .22 caliber revolver nga nakumpiska ang adunay unom ka mga bala nga anaa karon sa kostudiya sa kapulisan.
Nakumpiska sab sa otoridad ang mga drug paraphernalia susasama sa duha ka improvised glass tube tooter, 4 ka mga lighter, bamboo clip slider, gunting, ug uban pa.
Sa karon, gipasaka na ang kasong pagsupak sa Republic Act 10591 kon Comprehensive Firearms and Ammunition Regulation Act ug ang kasupakan sa Republic Act 9165 kabahin sa iligal nga droga.
