DAVAO CITY – Mokapin sa baynte says mil ka mga punuan sa fully grown marijuana plants ang na-ibot sa kapulisan sa bukirong bahin sa davao del atol sa sunod-sunod nga operasyon.
Ang nahisgutang kalampusan ang mayn kalabutan sa serye nga operasyon sa mga personahe gikan sa Davao Sur Police Provincial Office; 1st ug 2nd Davao Sur Provincial Mobile Force Company; Kiblawan Municipal Police Station; PNP-Drug Enforcement Group (PDEG); Provincial Drug Enforcement Unit ug sa bukirong bahin sa Barangay Balasio lungsod sa Kiblawan, Davao Del Sur sugod niadtong March 17 –19, 2022.
Ang nahisgutang operasyon ang gitawag ug “OPLAN HUROT” diin moabot sa 26,350 ang naibot nga mga fully grown marijuana plants nga gibana-bana nga nagkantidad ug P5,270,000.00.
Ang nahisgutang 3 ka adlaw nga operasyon ang gilusad sa tulo ka mga sityo sa Barangay Balasio, Kiblawan, Davao Del Sur nga gilangkuban sa Latnabag, Lamikon ug Lamlango respectively.
Tumong sa nahisgutang operasyon nga mawagtang ang mga illegal nga druga sa komunidad ug madakpan ang mga giilaang high value target personalities.
Nagmalampuson ang operasyon gumikan sa hinugtanay nga intelligence monitoring ug case build up uban sa aktibong suporta sa uban pang mga government agencies ug civilian informants.
Ang walay hunong nga pakigbatok ug pag-dakop sa mga drug activities ug mga personalidad sa region 11 ang kabahin sa gipakusgang lakang ilalom sa kamanduan ni PRO 11 regional director Police Brig, General Benjamin Silo Jr alang sa usaka drug free region.
