DAVAO CITY – Gikanayon sa usa ka opisyal sa Department of Health (DOH) nga anaa sa 25,000 ka mga bata sa Davao Region gikan sa target nga kapin tunga sa milyon nga populasyon ang wala sumala pa nabakunahan atol sa ikaduhang round sa massive immunization campaign.
Sumala pa kang DOH assistant secretary Dr. Abdullah Dumama Jr. nga atol sa ikaduhang hugna sa region-wide vaccination nga nagsugod kaniadtong Nobyembre 25 ug natapos sa Disyembre 7, 2019, anaa sa 550,000 ka mga bata lamang nga anaa sa 0-59 months old ang nahatagan ug dose sa Oral Polio Vaccine (OPV) diin 96 percent turnout sa ilang target nga 575,846.
Apan gikanayon sa opisyal nga wala sumala pa kini masterlisting kung asa gikan ang nabakunahan.
Laraw sa ahensiya nga magpahigayon og laing round sa bakuna karong Enero 20 ngadto na sa Pebrero 2, 2020 aron nga malikayan ang pagkatag sa disease.
Kahinumduman nga dinhi sa Mindanao, anaa sa walo ka mga bata ang nagpositibo sa poliovirus.
