Gihukman nga sad-an sa Tagum City Regional Trial Court Branch 2 karong adlawa si kanhing Bayan Muna Rep. Satur Ocampo ug kasamtangan nga Alliance of Concerned Teachers (ACT-Teachers) Rep. France Castro sa pagsupak sa RA 7610 kon Special Protection of Children Against Abuse, Exploitation,and Discrimination Act gumikan sa pagdala sa katorse ka mga batang Lumad nga gikan sa munisipalidad sa Talaingod, Davao del Norte niadtong 2018.
Gikumpirma usab kini ni kanhing Bayan Muna Congressman Isagani Zarate ang hukom sa korte.
Tungod niini girekomenda sa korte nga mabilanggo ang mga nahisgutan sa upat ngadto na sa unom ka tuig.
Subay sa baynte singko ka pahina nga desisyon sa korte, gimanduan sila si Castro, Ocampo ug onsi ka mga kaubanan nga gihukman nga sad-an nga mobayad ug P10,000 isip moral damages matag minor de edad nga adunay tubo nga six percent matag tuig gikan sa paghukom sa korte hangtod nga mabayran kini.
Samtang sa laing bahin, gibasura sa korte ang kaso nila Pastor Edgar Ugal, Rev. Ryan Magpayo, Eller Ordeniza,ug Rev.Jurie Jaime gumikan sa kapakyasan sa prosecution nga pamatud-an nga sila sad-an beyond reasonable doubt.
Nasayran nga niadtong 2018 ang mga bata nga gidala niadtong panahuna sa mga nahisgutan nga kini mga tinun-an sa Salugpongan nga tulunghaan nga kini ang gipasirado ra usab sa kagamhanan.
Una ng gipaklaro sa mga akusado nga igo lamang nila kining gipang-ubanan niadtong tungura tungod sa naangkon sumala pa niini nga pagpangharass sa mga paramilitary ug mga kasundaluhan nga ilahang gibyahe niadtong tungura pasado alas nuybi sa gabii.
Nasayran sab nga niadtong higayuna ang grupo ni Castro ug Ocampo ang nagpahigayon ug National Solidarity Mission sa Talaingod alang sa pagtabang sa mga eskwelahan sa mga Lumad.
Gitawag kini nga “Talaingod 18” sa mga Lumad advocates, ug gibutyag niini nga kini usa ka pagpanglupig ug usa sumala pa ka red-tagging sa mga Lumad nga eskwelahan ug sa ilahang mga supporters.
Una ng gibasura ang kasong trafficking sa Talaingod 18 gumikan sa maong panghitabo.
Samtang sa usa ka joint statement, gitawag ni Castro ug Ocampo ang desisyon sa korte nga unacceptable ug unjust.
Samtang ilahang gibutyag nga ang maong desisyon nagbaliwa lamang kini sa mga testimonya sa mga nagpadayon sumala pa nga pagpangharass sa mga eskelahan sa Lumad ingon man ang risgo nga giatubang sa estudyante.
