DAVAO CITY – Gipahibalo ni Davao del Norte Representative Pantaleon Alvarez karong hapon lamang nga gi-indorso na sa Partido Reporma ang kandidatura ni Vice President Leni Robredo sa May 2022 elecctions.
Gihimo ni Alvarez ang iyang pahayag human mi-resign si senador Panfilo Lacson isip member ug chairman sa Partido Reporma.
Gikatarungan ni Lacson ngja nahukman niya nga modagan na lamang isip usaka independent candidate human nahukman sumala pa sa partido nga suportahan nang laing kandidato sa pagka-presidente.
Sa iyang statement, gikanayon ni ALvares nga kinahanglan siya nga magdesisyon bisan pa man ug usa kini ka lisud nga butang, human nga ang mga ground leaders sa ilang partido ang nagkahi-usa nga paluyuhan ang kandidatura ni Robredo.
Dugang pa ni Alvarez nga ilang gitahud ang gihimong pag-pili sa ilang mga miembro ugy opisyal sa kandidato nga suportahan sa taliabot nga eleksiyon.
Gitin-aw niini nga walay gipili nga usaka kolor lamang ang ilang kahugpungan inay ang nag-una nga gilantaw niini mao ang pagduso sa usaka maayong pagdumala sa panggamhanan ug alang sa usaka maayong kaugmaon alang sa tibuok katawhang Pilipino.
Hinuon, gihulaghway ni Alvarez si Lacson isip maayo ug labing kuwalipikado nga mahimong Pangulo sa nasud Pilipinas.
