DAVAO CITY – Personal nga niadto si kanhi pangulo Rodrigo Duterte gikan Davao City padulong sa Kauluhan sa haya ni OPM legend ug miyembro sa APO Hiking Society nga si Danny Javier.
Kauban sa kanhi Pangulo si Sen. Bong Go aron mupaabot og pahasubo ngadto sa kabanay ni Javier sa Heritage Park, Taguig City. Kahinumduman, Oktubre 31 ning tuig, mipanaw ang singer sa Edad nga 75 anyos.
Sumala pa taud-taud na usab nga gihambin sa singer ang iyang kumplikasyon sa kasingkasing, baga ug kidney. Giila sab ni kanhi Pagulong Digong ang kontribusyon ni Javier isip magmumugna sa Original Pilipino Music kon OPM ug ang pagsuwat sa mga sonata nga naghatag ug garbo ug tatak sa matag Pilipino.
Si Javier ang hitmaker sa mga kantang Panalangin, Batang-Bata Ka Pa, When I Met You, ug pipila ka mga kanta nga nahimong hit songs sa APO Hiking Society uban nila Boboy Garovillo ug Jim Paredes.
via || Bombo Jena Manguiob & Bombo LJ Florendo
